Një gjetje gjeniale vjen nga kampionati bullgar në prag të fillimit të sfidës mes Botev dhe CKSA Sofies, të zhvilluar ditën e djeshme.
Sipas traditës, në fillim të ndeshjes gjyqtari kryesor hedh një monedhë për të vendosur cila skuadër do gjuajë topin e parë nga qendra.
Në fundjavën e Pashkës, kapitenët e të dyja skuadrave zhvilluan “betejën” e vezëve, duke përplasur 2 vezë se kush do të niste topin e parë.
Ky moment pikant nuk iu ka shpëtuar mediave, teksa videoja e përplasjes së vezëve është duke bërë xhiron e internetit.
