Atletico Madrid ka rinovuar kontratën me portierin Jan Oblak deri në vitin 2023, duke qenë se kontrata e mëparshme skadonte në vitin 2021.
Në kontratën e re, paga e Oblak ka shkuar në 10 milionë euro në sezon, ndërsa klauzola e tij e largimit është rritur nga 100 në 120 milionë euro, që nëse një klub do e paguajë do e bënte atë portierin më të shtrenjtë në histori.
Slloveni mbërriti në Madrid në vitin 2014 nga Benfica për 16 milionë euro. 26-vjeçari ka zhvilluar 203 ndeshje me fanellën e Atleticos, ku 115 prej tyre i ka mbyllur pa pësuar gol (56.6%). Në pesë sezone në Spanjë, Oblak ka fituar një Superkupë të Spanjës, një Europa League dhe një Superkupë UEFA.
