Mesfushori i Kosovës, Bersant Celina ka folur pas fitores historike ndaj Republikës së Çekisë e vlefshme për eliminatoret e Euro 2020.
Celina tha se deri tani kjo ishte ndeshja më e mirë e “Dardanëve”.
“E dinim që do të ishte ndeshje e vështirë por ishim me vetëbesim para ndeshjes dhe e kemi ditur që po luajmë kundër një skuadre shumë e fortë. Besoj që e merituam fitoren”, tha ai.
“Deri tani kjo ishte ndeshja më e vështirë, e pamë se çfarë mentaliteti kanë ata kur e shënuan golin e parë. Ne kemi shumë lojtarë të talentuar në ekip”, tha ai.
“Të gjithë besuam që mund të rikthehemi në lojë. Ishte zhgënjyese të pësonin golin e parë, por reaguam shumë mirë duke shënuar dy herë”, përfundoi Celina.