Ndodh edhe kështu. Futbolli italian në vitet e fundit po kalon probleme të shumta dhe mjaft klube janë të detyruara të shpallin falimentime të njëpasnjëshme pasi nuk përballojë dot më konkurrencën e ekipeve të mëdha. Të njëjtin fat po e ndjek dhe Lukezen, skuadrën që dikur ka milituar dhe në Serinë A, ndërsa në dy raste është shpallit kampione e Serisë B.
Ekipi me qendër në Luka të Toskanës, pati falimentuar në vitin 2008 dhe sërish në vitin 2011, ndërsa po bëhet gati për falimentimin e tretë. Sipas asaj që sqaron Enriko çenikola, konsulent i skuadrës kuqezi, po kërkohet shitja e skuadrës duke nisur nga çmimi simbolik prej 1 euroje, por edhe pse shifra është qesharake, detyrimet e mbartura bëjnë që askush të mos afrohet me një ofertë konkrete.
