Mbrëmjen e djeshme është tentuar të vidhet dyqani zyrtar i Realit të Madridit. Persona ende të paidentifikuar kanë sulmuar qepenin e dyqanit duke e goditur me sende të forta, në mënyrë që të krijonin një hapësirë për t’u futur.
Policia ka nisur hetimin për këtë ngjarje të shëmtuar në kryeqytetin spanjoll, ndërsa klubi ende nuk ka dalë me një njoftim zyrtar që të komunikojë nëse janë vjedhur apo jo sende brenda dyqanit.
Për disa orë ka qëndruar i mbyllur në mënyrë që të riparoheshin dëmet dhe të kryheshin procedurat nga vendngjarja, pastaj u hap normalisht për të vazhduar punën për shitjen e fanellave dhe gjithçka tjetër.
