Xavi Hernandez po kalon një pranverë të dytë në katar me skuadrën e Al-Sadd. Gjatë ndeshjes me Pakhtakor-in e Uzbekistanit, në raundin e tretë të Champions League aziatike ai ka shënuar një dopietë të mrekullueshme.
Dy golat e tij kanë ardhur brenda 10 minutave, në minutën e 6’ dhe të 16’ të takimit.
Fatkeqësisht, golat e legjendës së Barcelona-s nuk i kanë dhënë fitoren skuadrës së tij jashtë fushe, teksa rezultati final ka qenë 2-2.
Gjithsesi, ia vlen të shohësh dygolëshin spektakolar të mesfushorit 39-vjeçar. Goli i parë ka ardhur pas një godite me të parën në hyrje të zonës, ndërsa i dyti nga një goditje dënimi rreth 25 metra larg portës.
