Valladolidi duket se është mbërthyer nga një mallkim këtë sezon, sepse ka humbur 5 penallti në kampionat, nga 6 të tilla që ka fituar.
Për këtë arsye, presidenti Ronaldo, duke biseduar me Neymar për Otro.com, ka bërë shaka, duke thënë se do i duhet të kthehet në fushë, për të gjuajtur vetë penalltitë.
Në bashkëbisedim e sipër Neymar i thotë se ekziston një shprehje se “penalltitë e rëndësishme duhet t’i gjuajë presidenti”.
Fenomeni iu kthye duke qeshur: “Mos shko aty. Jam unë president klubi tani! Kemi pasur 5 penallti këtë vit, i kemi humbur të gjitha. Nuk di ç’të bëj më, vetëm të bëhem gati e të futem vetë në fushë.
“Penalltitë janë të tmerrshme. Është një përgjegjësi shumë e madhe”.
Neymar e Ronaldo janë dy ndër shënuesit më të mirë në historinë e Brazilit, me Neymar që ka shënuar 60 gola dhe Fenomenin që ka vetëm 2 gola më shumë, ndërkohë që shënuesi më i mirë për Brazilin është Pele, me 77 gola në 92 ndeshje.