Juventus-Milan është kryesfida e kësaj jave në Serie A, me bardhezinjtë duan sa më parë të sigurojnë matematikisht titullin kampion, që do të vinte në rast të një triumfi të “Zonjës së Vjetër” ndaj kuqezinjve, shoqëruar me një humbje të Napolit në shtëpi përballë Genoas ditën e dielë.
Kryesuesit e tabelës së klasifikimit do të tentojnë të çojnë kështu në 84 numrin e pikëve të grumbulluara, teksa sfidohen nga vendi i katërt në klasifikim.
Nga ana tjetër qëndron Milani, që ndryshe nga bardhezinjtë do t’i kërkojë tri pikët si “ujin në shkretëtirë”, pas ecurisë aspak pozitive të javëve të fundit. Situata e kompromentuar për objektivin Champions i bën edhe më vulnerabël e njëkohësisht më të motivuar djemtë e Gattusos. Që nga sezoni 2012-2023 Milani nuk ia ka dalë të ngjitet më lart se vendi i gjashtë në tabelën e klasifikimit të Serie A, një statistikë që nuk i përshtatet historikut dhe statusit madhor të këtij klubi.
Por kur kemi të bëjmë me ndeshje të tilla nuk mungojnë as parashikimet e modeles seksi, Martina Finocchio, e cila përmes një fotoje në profilin e saj në Instagram tregon rezultatin e sfidës.
Ndërkohë kujtojmë se Milani nuk ia ka dalë të mposhtë bardhezinjtë që nga tetori i viti 2016, një motiv më shumë për të thyer hegjemoninë e Juventusit.
