Partizani dhe Luftëtari rikthehen të luajnë sërish, pas ndeshjes së mesjavës në Kupë. Në kuadër të javës së 27-të në Superiore, të kuqtë e Gegës me mungesa në formacion, do të kërkojnë t’i japin shkelmin e fundit garës për titull, pas humbjes së Kukësit.
Nga ana tjetër, Luftëtari gjendet në cepin tjetër të tabelës, në luftë për mbijetesën, dhe pikët janë jetike. Ndeshja në kryeqytet parashikohet e luftuar, dhe me duele të shumta.
LIVE| PARTIZANI-LUFTËTARI 1-2
Duka 3′ / Dunga 38′, 44′
KOMENTI LIVE:
Mbyllet pjesa e parë.
44′ GOOOOOL LUFTËTARI 1-2/ Përmbysje e “çmendur” e gjirokastritëve. Është përsëri sulmuesi Dunga, i cili realizon dopietë. Keniani del i vetëm përballë portierit Hoxha, dhe me një parabol, kalon në avantazh skuadrën e Ahmatajt.
41’ Goditje këndi për Partizanin. Asani kroson në zonë, por topi largohet dhe përfundon te Trashi i cili provon me një goditje të gabuar.
38′ GOOOOL LUFTËTARI 1-1/ Vendoset baraspesha në “Selman Stërmasi”. Sulmuesi Dunga gjen rrugën e rrjetës për gjirokastritët. Pas një krosimi brenda zonës nga e majta, sulmuesi i Luftëtarit nuk ka falur duke e vendosur ekuilibrat.
31′ Goditje dënimi për Luftëtarin, gjirokastritët provojnë me një skemë, por kuptojnë gjithçka lojtarët e kuq.
24′ Zëvendësim i detyruar te Partizani, largohet Bardhi i dëmtuar, vendin e tij e zë Eraldo Çinari.
18′ Bardhi lëviz bukur në fundore, por gabon në momentin e fundit, duke harkuar një top të gabuar.
14′ Pranë golit të dytë Partizani! Mala kroson ulët në zonë për Asanin, i cili provon goditjen, por ka një ndërhyrje dhe pretendon për penallti, nuk është i këtij mendimi gjyqtari.
12’ Goditje dënimi për Luftëtarin. Rapo kroson në zonë, por askush nuk arrin të devijojë.
7′ Minuta të qeta në “Selman Stërmasi”. Partizani menaxhon avantazhin. Mungojnë rastet e rrezikshme në portat respektive.
3′ GOOOOL PARTIZANI 1-0/ Zhbllokohet menjëherë sfida, Dilaver Duka kalon në avantazh skuadrën e Gegës. Mensah rikuperon topin në mesfushë, servir për Malën që kombinon bukur me Bardhin, ky i fundit sheh të lirë Dukën nga e djathta, i cili provon me një gjuajtje në hyrje të zonës, topi devijohet nga Asani dhe përfundon në rrjetë. Nga pamjet duket qartë që gjyqtari anësor ka gabuar, pas Asani është më i avancuar në momentin e devijimit.
1′ Ka startuar takimi në “Selman Stërmasi”.
