Më 23 prill 2008, Barcelona dhe Manchester United luajtën ndeshjen e parë gjysmëfinaleve të Ligës së Kampionëve mes tyre. Kjo ishte edhe hera e parë, që përballeshin në fushën e blertë Cristiano Ronaldo me Lionel Messin. Spanjollja “AS” e kujton këtë moment në kuadrin e përplasjes së mbrëmjes së sotme mes këtyre dy skuadrave, në çerekfinalen e kthimit të Champions-it, edhe pse njëri prej këtyre dy yjeve ka ndryshuar dy herë destinacion.
Nëse argjetinasi i ka mbetur besnik Barcelonës, CR7 la “Old Trafford” për Real Madridin dhe që prej verës së kaluar është bërë pjesë e Juventusit. E vetmja mundësi që ata të dy të përlasen me njëri-tjetrin në këtë kompeticion, sezonin aktual, është finalja e “Wanda Metropolitano”, nëse katalanasit dhe bardhezinjtë mbërrijnë deri atje.
