PSV Eindhoven likuidon me 3 gola Willem 2 dhe ruan hapin e Ajaxit të Amsterdamit, duke mbajtur gjallë shpresat për titullin kampion në Holandë.
Në Tilburg, skuadra e Mark Van Bommel triumfoi me rezultatin 0-3, duke rikuperuar një gol ndaj harkëtarëve në javën e 32-të.
Një sukses ky që e ngjiti PSV-në në kuotën e 80 pikëve, megjithatë skuadra nga Eindhoveni ka një diferencë me 10 gola ndaj Ajaxit dhe për të fituar titullin duhet që formacion i Erik Ten Hag të gabojë në një nga 2 ndeshjet e mbetura, pasi me goleavarazh titulli sipas të gjitha gjasave do të shkojë në duart e harkëtarëve.
Ndaj Willem 2 në sfidën që mbylli javën e 32-të të Eredivisies vendosën golat e Malen, Sadilek dhe Bergwijn.
