Luciano Spalletti thekson se Frosinone i ka kujtuar Interit se asgjë nuk ka përfunduar në luftën për një vend mes katër më të mirëve.
Zikaltrit fituan në transfertë 3-1, teksa pas ndeshjes tekniku theksoi: “E pamë se në momentin që ndihemi të sigurt, mund të pësojmë një goditje të rëndë. Duhet të jemi të përqendruar gjatë gjithë kohës.
U ndodh të gjithëve, por mbase më shumë i ndodh Interit. Kur mendon se gjithçka ka përfunduar, atëherë bëhesh i butë. Frosinone nuk kishte asgjë për të humbur, kështu që objektivi i tyre ishte të bënin një lojë sa më mbresëlënëse. Prandaj ishte një test i vështirë për ne, sepse Frosinone mund të luante me qetësi dhe pa presion.
Icardi luajti mirë sot, duke mos vrapuar shumë thellë. Avantazhi ynë i madh është prapavija solide. Ka ndodhur disa herë që nuk kemi vrarë ndeshjet, kështu që padyshim që është diçka që duhet të përmirësojmë.
Penalltia? Kemi tre-katër lojtarë që mund t’i godasin dhe kam besim te lojtarët që ta zgjidhin mes tyre”.
