Një festim në versionin ultras i arbitrit ndërkombëtar Majk Din është duke bërë xhiron e internetit në rrjetet sociale.
50-vjeçari, i cili arbitron në Premier Ligë, ishte i pranishëm mbrëmjen e djeshme në gjysmëfinalen e kthimit për fazën “play-off” të “League Two” mes Forest Grinit dhe Tranmeres, teksa bënte tifo për skuadrën mike të Tranmeres, e cila arriti të siguronte kalimin për në finalen e madhe ndaj Njuportit që do të përcaktojë skuadrën që do të ngjitet në “League One”.
Din, i cili është një ndër arbitrat më karizmatik të Premier Ligës, nuk u përmbajt pas përfundimit të ndeshjes, duke hipur mbi një kangjëll teksa festonte si i çmendur.