Dështimi i Milanit për tu kualifikuar sezonin e ardhshëm në Champions League ka sjellë disa largime të bujshme.
Fillimisht Gattuso dhe më pas Leonardo konfirmuan largimin nga klubi kuqezi, ndërsa drejtues të Milanit kanë nisur kontaktet e para për të gjetur trajnerin dhe drejtorin e ri sportiv.
Emri i parë në listën e Gazidis është ai i Igli Tares, drejtori sportiv i Lazios, mjaft i zoti në zbulimin e lojtarëve, raporton “Tuttomercatoweb”.
Shqiptari është një profil mjaft interesant për kuqezinjtë dhe mund të krijojë një binom të mirë me Simone Inzagin, një nga kandidatët favorit për të marrë drejtimin e stolit të Milanit.
Pengesa e vetme është Lazio e cila nuk ka ndërmend të shesë “xhevahirin” e tyre.