Juventusi është duke kërkuar zëvendësuesin e Allegrit.
Mes kandidatëve për të marrë drejtimin e “Zonjës së Vjetër” në media doli edhe emri i Jurgen Kloppit, por tekniku gjerman ka reaguar para se të luhet finalja e Champions Leagues.
Tekniku gjerman i ka mohuar zërat në merkato duke shprehur besnikërinë për Liverpoolin.
“Të gjitha zërat që i dëgjoj këto ditë janë të pakuptimta. Nuk ka asgjë të vërtetë, nuk do të largohem kurrë nga Liverpooli. Nuk kam asnjë arsye. Italia është vend i bukur, Seria A është e bukur, këtë e di por nuk largohem pasi do të respektoj kontratën që kam me klubin aktual”, u shpreh ai për “Sky”.
Ndërsa i pyetur për finalen e 1 qershorit, Klopp tha se është një ndeshje shumë e rëndësishme në karrierën e tij.
“Të gjitha finalet janë të veçanta, do të jetë hera e tretë për mua në finalen e Champions Leagues. Do të përballemi me Tottenhemin, një ekip i fortë, por ky Liverpool është gati, është ekipi më i mirë që unë sjell në finale. Futbolli është i çuditshëm, do ta shohim si do të përfundojë. Nëse fitojmë, do të jetë momenti më i mirë i karrierës sime. Fitimi i titullit është mirë, por Champions është akoma edhe më mirë”, përfundoi gjermani.
