Largimi i Massimiliano Allegrit i detyron drejtuesit e Juventusit të nxitojnë për emërimin e trajnerit të ri në Torino.
Gazetari Adriano del Monte, ka postuar sot në rrjetin social “Twitter”, lajmin se Guardiola do të jetë trajneri i Juventusit.
Në lajmin e marrë nga “Radio Sportiva” në Itali, thuhet se strategu spanjoll ka arritur marrëveshjen me “Zonjën e Vjetër” e cila i ka vendosur mbi tavolinë një kontratë 4-vjeçare.“Duhej të ishte dita vendimtare. Pep Guardiola do të jetë trajneri i ri i Juventusit. Kontrata 4 vjeçare.
Marrëveshja është bërë”, thuhet në njoftimin e “Radio Sportiva”.
Pas këtij lajmi momentalisht nuk ka asnjë reagim zyrtar nga trajneri spanjoll apo klubi i Juventusit.
