Partizani shikohet si skuadra me numrin më të madh të lojtarëve në vitrinën e merkatos së verës. Rezultatet dhe ecuria pozitive kanë bërë që të rritet interesi për disa nga “xhevahirët” e Partizanit.
Për Jasir Asanin është thënë se ka interes nga Turqia dhe për largimin e tij, klubi ka një klauzolë largimi prej 400 mijë eurosh. Egzon Belicës i mbaron kontrata tani dhe akoma nuk ka rinovuar, shkruan panorama.
Për mbrojtësin nga Struga thuhet se ka interesim nga skuadra turke e Ligës së Parë, Menemen Beledije. Përveç Asanit, Trashit dhe Belicës, te lojtarët që mund të transferohen jashtë këtë verë janë edhe Jurgen Bardhi, Esat Mala apo edhe Bruno Telushi, pa harruar edhe kapitenin Alban Hoxha.
