Presidenti i Tiranës, Refik Halili, ka dashur të saktësojë deklaratat pas derbit me Partizanin.
Në një prononcim për gazetën, ai ka sqaruar se fjala e tij nuk ka qenë në adresë të gjyqtarëve, por të gabimeve që skuadra e vet ka bërë gjatë gjithë kampionatit dhe që i ka kushtuar jo pak klubit në renditjen e Kategorisë Superiore.
“Fjalët e mia pas derbit nuk kanë qenë në adresë të gjyqtarëve, por të episodeve të skuadrës sime. Nuk kam asgjë me gjyqtarët. E kisha fjalën për episodet që na kanë dëmtuar dhe na kanë hequr 20 pikë. Dua të saktësoj këtë aspekt. Është e kotë të numëroj gabimet e ekipit tim, por nuk e kam pasur në adresë të gjyqtarëve fjalën”, është shprehur Refik Halili.