Ernesto Valverde pritet të largohet nga Barcelona.
Katalanët kanë dy kandidatë kryesorë për të zëvendësuar Ernesto Valveden që konsiderohet si shkaktari i eliminimit të Barcelonës nga Champions League.
Bëhet fjalë për Ronald Koeman, trajnerin e Kombëtares së Holandës, dhe Erik ten Hag, trajnerin që me Ajax këtë sezon ka mahnitur Europën, duke arritur deri në gjysmëfinale të Champions Leagues.
Koeman nuk është një emër i panjohur te Barcelona, pasi gjatë karrierës si futbollist, në 192 paraqitje ka shënuar 67 gola.
Koeman ka luajtur në vitet 1989-1995 me Barcelonën (192 ndeshje dhe 67 gola), duke hyrë në historinë e këtij klubi. Një gol i shënuar në kohën shtesë nga Koeman i dha skuadrës katalanase trofeun e parë të Champions League në vitin 1992 (1-0 ndaj Sampdoria, në Wembley).
