Si një përrallë. Partizani u kurorëzua zyrtarisht kampion i Shqipërisë pas 26 vitesh dhe gjithçka ndodhi me një skenar ëndrrash. Thonë se fitorja e një derbi vlen sa një titull kampion, por duhet të jenë me shumë fat “Demat” që patën shansin e artë t’i provojnë të dyja në një ndeshje. Pikërisht duke fituar derbin ndaj Tiranës zyrtarizohen “mbretër” të futbollit shqiptar për sezonin 2018- 2019.
Pritja e gjatë mbaroi dhe festa është legjitime, teksa nuk munguan as urimet e ishëve në rrjetet sociale. Stefat Raçiç, Fatjon Jusufi, Milan Kulum, Renato Gojkoviç, Astrit Fazlliu, Bunjamin Shabani, Yleber Ramadani si dhe Mentor Mazrekaj janë ishët që kanë uruar klubin e kuq për titullin kampion.
