Policia e Mynihut nuk i ka bërë mirë llogaritë e kampionatit gjerman dhe në faqen e saj elektronike ka bërë një gafë duke uruar para kohe ekipin e Kovaç për titullin.
“Çfarë? Përsëri kampionë Gjermanie i dashur Bajern? Epo urime atëherë”, shkruhej në postimin e policisë, që pasi ka kuptuar gafën, ka korrigjuar shënjestrën, duke i besuar qëndrimin një tjetër postimi ku thuhej:
“Do ta kishim gëzuar me shumë dëshirë titullin e Bajernit, por për fat të keq nuk ia dolëm”. Policisë së Mynihut i duhet të presë, teksa gjithçka mbetet për t’u vendosur në këtë fundjavë kur bavarezëve do t’i mjaftojë një fitore në shtëpi ndaj Frankfurtit.