Pas dopjetës që shënoi dje kundër Eibarit në barazimin 2-2, Lionel Messi ka shkuar në kuotën e 36 golave në La Liga dhe është pranë fitimit të “Këpucës së Artë” për herë të gjashtë në histori.
Rivali më i afërt i Messit është sulmuesi i PSG-së, Kylian Mbappe.
Francezi ka thënë se ëndërron që ta fitojë këtë çmim, por do ta ketë të vështirë, sepse ka vetëm një ndeshje në dispozicion, ndërsa është 4 gola prapa yllit të Barcelonës.
“E vërteta është që e ëndërroj këtë çmim. E pashë ndeshjen ku Messi shënoi dy gola dhe pas saj, ika menjëherë në shtrat”, tha Mbappe.
Messi ka realizuar 36 gola në kampionatin spanjoll, i cili tashmë ka përfunduar, ndërsa Mbappe ka dhe një ndeshje për të luajtur, teksa ka realizuar 32 herë.