Liverpooli duket se ka marrë një goditje të rëndë në mesfushë. Mesfushori Nabi Keita mori një goditje në kofshë në takimin kundër Barcelonës dhe la fushën në minutën e 24-t të sfidës.
Mirëpo lajmet nga infermieria nuk janë aspak të mira për skuadrën e Kloppit, që gjendet në garë për kampionatin dhe do të luajë gjysmëfinalen e kthimit të Championsit me Barcelonën.
Lojtari nga Guinea ka mbyllur sezonin dhe nuk do të jetë më në dispozicion të ekipit.
Një lajm i keq ky jo vetëm për skuadrën angleze, por edhe për Kombëtaren e tij që po përgatitet për Kupën e Afrikës.
