Hoze Murinjo po shqyrton të gjitha ofertat për tu rikthyer në stol pas largimit nga Junajtid. Megjithatë, ai, siç bëri të ditur disa ditë më parë, do të pranonte ofertën e një klubi që ka ndërmend të shpenzojë. Shumë klube janë të lidhura me emrin e tij, por “L’Equipe” nga Franca zbulon se tekniku portugez ka nisur kontaktet me Romën.
Kryeqytetasit dëshirojnë edhe Konten, por duket se kjo pistë është zbehur. Kualifikimi në Ligën e Kampionëve në fundin e sezonit do të shtonte edhe më shumë shanset e rikthimit të Murinjos në Itali, që siç e shpreh hapur, ka “dashuri” për Interin. Megjithatë, çdo gjë mund të ndodh. Për portugezin ka shfaqur hapur interes edhe PSG, por ai është i vendosur t’i dëgjojë të gjithë…