Juventusi duket se është hedhur në sulm pa nisur merkatoja për të siguruar një ose dy qëndërmbrojtësa të kalibrit të lartë.
Rugani, Bonuçi dhe Kielini janë tre mbrojtësat e qëndrës, që janë të disponueshëm për “Zonjën” për sezonin që vjen.
Sipas asaj që raporton “Tuttosport”, një nga objektivat e drejtuesve gjatë verës është Alesio Romanjoli, mbrojtësi i Milanit. Kuqezinjtë rrezikojnë pjesëmarrjen në Ligën e Kampionëve dhe Romanjoli vështirë se do të presë më.
Gjithashtu Milani do të detyrohet që gjatë verës të shesë disa nga yjet e veta, pasi balancat financiare duhet të forcohen në rast dështimi në Champions.
