Kapiteni i Milanit, Alesio Romanjoli, pati një ndeshje të veçantë ditën e sotme, teksa arriti plot 150 ndeshje me “Djallin”, dhe duke folur për “DAZN”, deklaroi:
“Qëllim duhet të kemi të fitojmë të gjitha ndeshjet. Sot bëmë një takim të madh. Luajtëm shumë mirë, në pjesën e dytë mbrojtëm veten nga sulmet e tyre. Probleme brenda grupit? Ne mendojmë vetëm për ndeshjen, pastaj janë gazetat që shpikin aq shumë gjëra. 150 ndeshje me Milanin është një kënaqësi e veçantë, nder i madh të jep kapiteni i kësaj skuadre. Ne duhet të fitojmë ndeshjet tona për në Champions, më pas të presim ndonjë ‘dhuratë’ nga të tjerët”.
