Tirana ia doli të fitojë 1-3 në fushën e Laçit, duke hedhur një jap të madh për mbijetesën. Në intervistën pas ndeshjes për “Gol pas Goli”, trajneri Ardian Mema deklaroi:
Çfarë ndryshoi në një javë te Tirana?
Gjëja që kërkova në analizë, ishte pjesa e gjakftohtësisë. Ishim të qetë, se ato dy ndeshje na kishin dëmtuar psikologjikisht. Duhej ta kalonim me qetësi, se kjo është fushë e fortë. Laçi ka ekip të shkëlqyeshëm pavarësisht si doli ndeshja sot. Këto javë kemi qenë në stres, dhe ka qenë e vështirë.
A është kjo Tirana që ke në mendje?
Tirana ka pasur oshilacione gjithë kohës, vjen edhe si pasojë e gjendjes në tabelë. Kjo ta krijon stresin. Po të kishim pikë të tjera, do luanim më mirë se sa kemi bërë.
Humbët sërish penallti…
Është e vërtetë, në një bisedë që kam pasur me Halilin, e kam provuar ekipin për të gjuajtur penallti. Është diçka konfidenciale, diçka për të qeshur por edhe për të qarë. I thashë atij se te ne askush nuk di të godasë penallti. Ai më tha se do vij vetë t’i shoh në stërvitje. Unë i kam stërvitur, por është punë psikologjike. Këtu është hall i madh për ne. Ne kemi finalen e Kupës, dhe ndeshja mund të shkojë edhe në penallti.
Çfarë do ndodhë me ju në të ardhmen?
E ardhmja është të përfundoj sezonin me Tiranën, ngaqë është edhe viti i parë si trajner i parë, mos të kisha dështimet që kanë pasur trajnerët. Nëse do vazhdoj, do kem projekt të mirë. Diçka e panegociueshme e kam për projektin tim.
Hoxhallari me Grecën, dhe Kërçiku me Dokën në krahë…
Përgatita ndeshjen e radhës, sepse Laçi është i fortë në krahë. Kjo ishte arsyeja që i vendosa kështu, mund të jetë mënyrë loje edhe në të ardhmen.