Iker Casillas pësoi dje një atak kardiak, i cili ka tronditur gjithë botën e futbollit.
Ai është shtruar drejt e në spital ku ka marrë urgjentisht ndihmën e mjekëve dhe ka fituar betejën për jetën e vet.
“Gardiani” i portës së Portos, me respektin që të gjithë kanë për të, ka marrë me mijëra mesazhe.
Por më i veçanti mund të quhet ai i partneres së tij, Sara Carbonero.
Gazetarja dhe ish-portieri i Real Madridit janë të martuar dhe kanë një djalë.
“Jeta ka mënyra të ndryshme për të na treguar se duhet shijuar çdo moment. Fatmirësisht, gjithçka ka qenë një tronditje, faleminderit të gjithëve për dashurinë e treguar dhe shqetësimin”, ka qenë mesazhi i Carboneros, që i ka prekur të gjithë.
