Dy persona kanë mbetur të plagosur pas një përleshjeje që pati mes tifozëve të Chelseat dhe Arsenalit, disa orë para fillimit të finales të Ligës së Evropës mes këtyre dy klubeve.
Këtë e ka konfirmuar zëdhënësi për mediat i Ministrisë së Shëndetësisë të Azerbajxhanit, Parviz Abubekirov, i cili ka thënë se një tifoz është shtruar në spital pasi ka një plagë në kokë dhe ka mbetur pa vetëdije pas përleshjes mes tifozëve.
Abubekirov shtoi se një burrë me nënshtetësi ruse u lëndua dhe u trajtua në spitalin e kryeqytetit azer, Baku.
