Mohamed Salah nuk do të luajë në sfidën e kthimit ndaj Barcelonës, teksa do jetë gati për ndeshjen ndaj Wolves, në fundjavë për kampionat.
Salah mbeti i dëmtuar në kokë në ndeshjen ndaj Newcastle për Premier League në fundjavë, ku u largua nga fusha me barelë.
Pas ndeshjes, ka qenë Dejan Lovren që ka dhënë një deklaratë me shaka mbi gjendjen e Salah, por që ka ngjallur interes tepër të fortë.
“Po, po, ai është mirë. Thjesht nuk mban mend se kush jam”, tha me shaka Lovren, “Mos u shqetësoni, ai do jetë mirë. Mo është një përbindësh”, vijoi më tej kroati.
Lovren publikoi edhe një foto me Salah në rrjetet sociale më vonë, ku i uroi atij shërim të shpejtë.
