Doni Van de Bek është një ndër lojtarët më të mirë të Ajaksit, këtë sezon. Lojtari ka shënuar dy gola shumë deçiziv, ndaj Totenhemit dhe Juventusit, çka e kanë rritur vlerën e tij në treg.
Lojtari me shumë mundësi do të largohet këtë verë dhe Rud Gulit, ish-lojtari i Milanit dhe kombëtares holandeze ka një këshillë për Van De Bek.
Për mikrofonin e “Ziggo Sport”, Gulit ka thënë: “Shpresoj që Van De Bek, të mos bëjë të njëjtën zgjedhje si Davi Klasen, që shkojë te Evertoni, skuadër nga një stil i ndryshëm i Ajaksit dhe ndaj kishte një rendiment më të dobët. Për mua Van de Bek do të ishte perfek te Reali, ku do të ambientohjej shumë mirë”.
Merkatoja verore do të jetë e gjatë dhe nuk dihet se cila mund të jetë zgjidhja e mesfushorit të Ajaksit.
