Endri Çekiçi shënon golin e dytë personal me ekipin e Olimpija Ljubjanës në ndeshjen e pestë në kampionatin slloven.
Sulmuesi shqiptar, i cili u largua në janar nga Kroacia, realizoi golin e tretë për skuadrën e tij në fitoren 4-2 ndaj ekipit të Triglavit.
Mesfushori shqiptar pak minuta më vonë dha asistin për golin e katërt të Kronaveter, i cili shënoi me kokë, duke bërë thjesht statistikë golin e miqve të shënuar para fundit të ndeshjes.
Pogradecari synon një fillim të ri në skuadrën e kryeqytetit slloven, ku tashmë është përshtatur më së miri dhe po luan në vazhdimësi.
22-vjeçari një javë më parë realizoi edhe në fitoren 3-2-me Krsko.
