Milani do të ndryshojë “kurs” pas largimi të Leonardos dhe Gattusos.
Është administratori i kuqezinjve, Ivan Gazidis, ai që shpalos idetë e tij për ekipin e së ardhmes.
Në një intervistë për “Gazzeta dello Sport”, Gazidis ka folur edhe për Maldinin.
“Trajneri i ri do të zgjidhet me kujdes. Nuk ka rëndësi mosha apo kombësia, rëndësi ka të jetë i përshtatshëm për atë që ne po kërkojmë të ndërtojmë. Milani i së ardhmes do të jetë me ide, talente dhe solid. Do të doja që Maldini të ishte këtu, e shoh vetëm te Milani. Ka kërkuar kohë për reflektim. Do ta pres, edhe nëse ai nuk vijon në pozicion, do të jetë pjesë e Milanit” shprehet Gazidis.
Milani duket se do të investojë për talente, në fakt filozofia e Gazidis ka qenë e qartë, lojtarë nën 25 vjeç dhe me talent. Puna e tij tek Arsenali tregon për atë çka ai ka në mendje.
