Trajneri i Kosovës, Bernard Challandes, ka komentuar fitoren e jashtëzakonshme me përmbysje të marrë kundër Bullgarisë në një intervistë të dhënë pas ndeshjes për “Supersport”. Këto kanë qenë deklaratat e bëra nga ai:
“Jam shumë i lumtur për fitoren dhe për lojtarët. Nuk janë dorëzuar kurrë. Kemi pasur ndjesinë se do të shënonim dhe kemi shënuar. Ata kanë provuar vazhdimisht dhe mendoj se e kanë merituar. Nuk është një fitore normale, është fitorja e parë e Kosovës në këtë fazë kualifikuese. Kemi pasur probleme edhe me dëmtimet”.
“Çfarë më kënaqi më shumë? Mendoj se psikologjia është shumë e rëndësishme. Kemi një skuadër që ka karakter. Për mua është shumë e rëndësishme si jemi përgjigjur. Lojtartë tanë luajnë një futboll shumë të bukur. Më e rëndësishmja është se kjo skuadër ka treguar se ka bole, ka karakater. Kemi një skuadër me moshë mesatare 23 vjeç. Një skuadër e re, por që luan bashkë”.
“Kualifikimi në Euro 2020? Ne duhet të ëndërrojmë në jetë, kjo është filozofia im. Gjithçka fillon me një ëndërr. A besoja te përmbysja? Isha i lumtur edhe me barazimin, por pas rasteve të shumta që krijuam nuk do të kisha qenë i kënaqur me një pikë”.
