Sampdoria nuk ka humbur shumë kohë pas largimit të trajnerit Xhampaolo që vendosi të bashkohej me Milanin dhe sot, ka zyrtarizuar trajnerin e ri. Vendin e Xhampaolos e ka zënë Eusebio Di Françesko, një emër mjaft i njohur në Seria A dhe jo vetëm për shkak të punës së tij që ka bërë me Romën.
“Presidenti Ferrero dhe klubi i Sapmdorias i urojnë mirëseardhje Eusebio Di Françesko që do të jetë trajner i skuadrës sonë deri në vitin 2022”, shkruhej në njoftimin e klubit. Sakaq, vetë presidenti ka pranuar se ishte zgjedhja e mirë e mundshme për klubin.
Di Françesko u shkarkua nga Roma pak muaj më parë duke i zënë vendin Klaudio Ranieri për shkak të rezultateve të dobëta. Vetëm një sezon më parë, Roma e Di Françeskos arriti të shkruante histori në Europë, duke eliminuar Barcelonën në Ligën e Kampionëve. Roma arriti të përmbyste Barcelonën duke marrë një kualifikim historik për në turin pasardhës, ku arriti deri në gjysmëfinale.
