Xherdan Shaqiri e fitoi për herë të dytë në karrierë trofeun e Champions Leagues.
Gjatë paradës festive me Liverpoolin, futbollisti shqiptar ishte shumë i lumtur për këtë sukses megjithëse Klopp nuk e aktivizoi asnjë minutë në finalen e ‘Wanda Metropolitano’.
Shaqiri ka konfirmuar se do të jetë pjesë e Liverpool edhe sezonin e ardhshëm.
Është kjo për çfarë keni ardhur në Liverpool? “Poooo”, pohoi fillimisht 27-vjeçari.
“Ky klub duhet të fitojë trofe dhe është bukur të fillosh me këtë skuadrë. Vitin tjetër do të tentojmë sërish dhe gjithashtu do të tentojmë edhe Premier Leaguen”.
“Ëndrra ime është ta fitoj ligën në Angli me këtë klub”, deklaroi Shaqiri.
