Prej kohësh Juventus është në kërkim të një mbrojtësi krahu dhe mesa duket atë e ka gjetur në Angli.
Bëhet fjalë për mbrojtësin e Totenhemit, Kieran Tripier. Sipas asaj që shkruan “TuttoMercatoWeb”, bardhezinjtë janë të gatshëm të ofrojnë deri në 50 milionë euro për anglezin. Zhoao Kanselo është shumë pranë largimit nga Juventusi dhe pikërisht fakti që kampionët e Italisë po kërkojnë një mbrojtës tjetër për atë krah e bën akoma më shumë të mundur largimin e tij.
Juventusi kërkon të formojë një skuadër të fortë për sezonin e ardhshëm dhe 28-vjeçari anglez shihet si një lojtar shumë i mirë për atë pozitë.
