Franca dhe Rumania zhvilluan një 90-minutësh të qetë, duke u ndarë në një barazim pa gola, që i kualifikon që të dyja në gjysmëfinalet e kampionatit Europian për 21-vjeçarët.
Merr fund ëndrra e Italisë U21, për t’u kualifikuar në fazën gjysmëfinale si vendi i dytë më i mirë, pasi këtë pozicion e mori Franca, me 7 pikë, aq sa edhe Rumania, që për shkak të golavarazhit, u rendit e para në grupin përkatës.
Shpresa e vetme e italianëve ishte që njëra mes Francës dhe Rumanisë të humbte, por të dy skuadrat i kthyen “axurrëve” kujtimin e hidhur në Europianin e 2004-ës.
Sfida tjetër e grupit të tretë, ajo mes Kroacisë dhe Anglisë përfundoi në barazim 3-3, ndërsa dy skuadrat i dhanë lamtumirën këtij kompeticioni.
Rumania, Franca, Spanja dhe Gjermania janë 4 skuadrat që ia dolën të vazhdojnë kampionatin në fazën gjysmëfinale.
