Markus Rashford është një nga lojtarët e rinj britanikë më të fortë. Sulmuesi është i rëndësishëm për të tashmen, por edhe një siguri për të ardhmen. Në këtë mënyrë, Mançester Junajtid ka menduar ta blindojë pasi klubet e interesuara për Rashford janë të shumta.
Në fakt, bisedimet për rinovimin kishin ngecur për shkak të kërkesave të 21-vjeçarit, megjithatë në fund ‘Djajtë e Kuq’ janë detyruar të përmbushin dëshirat e lojtarit. Kështu, me kontratën e ri Rashford do të përfitojë 280 mijë euro në javë, ose e thënë ndryshe 14 milionë euro në sezon për 5 vitet në vazhdim.
Në këtë mënyrë, Junajtid largon Rashford nga merkato, ndërsa tashme me kushtet e plotësuara sulmuesi duhet të mendojë vetëm për fushën, aty ku me cilësitë e tij para portës kundërshtare duhet të justifikojë sakrificat financiare të klubit nga Mançesteri.