Milani është në kërkim të një trajneri të ri dhe pas largimit të Gatuzos shumë emra dëgjohen rreth orbitës së stolit kuqezi.
Xhiampaolo dhe Inzagi janë emrat që janë përfolur më shumë nga mediat italiane, por deri tashmë asgjë nuk është zyrtare.
Roberto Donadoni, ish-trajneri i kombëtares italiane dhe disa skuadrave në Serinë A, ka folur për “Radio Esportiva”, mbi mundësinë për të marrë drejtimin e Milanit.
“Unë kam dëshirë të rikthehem të trajnojë, duke qëndruar në fushë dhe duke marrë rezultate. Milani me presidencën e re, prej një viti, ka dhënë disa sinjale pozitive, por mbetet të shohim”.
Konte tek Interi? “Nëse ata kanë bërë një zgjedhje të tillë do të thotë që Interi ka potencial të madh që i afrohet atij të Juventusit”, kanë qenë fjalët e Donadonit.
