Gareth Bejl dhe Zinedin Zidan nuk kanë një marrëdhënie të mirë dhe kjo ka bërë që uellsiani të shikojë një aventurë tjetër larg Madridit.
Në shumë media flitej se Bajern Mynih kishte shfaqur interes për sulmuesin, dhe e donin atë në huazim. Kanë mjaftuar këto lajme që agjenti i lojtarit të flasë rreth klientit të tij : “Më shumë shanse ka që unë të fitoj Ascot (gara me kuaj, në Angli), se sa të largohet Bejl nga Reali në formën e huazimit.” – u shpreh ai në një intervistë për “Sky Sport”.
Zidan e ka bërë tashmë zgjedhjen e tij dhe nuk e dëshiron 29-vjeçarin në skuadrën e tij dhe për këtë agjenti shprehet: “Po e vërtetë marrëdhënia Bejl-Real nuk është përmirësuar, Zidan mendon se mund t’ia dalë edhe pa atë. Ai është i lumtur në Spanjë dhe bën një jetë të lumtur aty, me siguri nuk do të largohet jashtë në formën e huazimit por vetëm në një shitje përfundimtare.”- shtoi ai.
Me këtë intervistë ai le të kuptohet se kushdo që e dëshiron në skuadër klientin e tij, duhet të paguajë një shumë të madhe për ta marrë.
