Duket se gara mes Romës dhe Interit në merkato është kthyer në një luftë të vërtetë.
Verdhekuqtë ishin ata që ndërhyn mes Barelës dhe Interit, me një ofertë të majme ata kanë kthyer situatën pro tyre dhe janë vetëm një firmë larg italianit.
Por, Interi dhe Marota nuk do ta lënë me kaq këtë situatë. Siç raporton “Corriere Dello sport”, zikaltrit do të hidhen në sulm për të rrëmbyer Lorenzo Pelegrinin, një roman të betuar.
Marota është gati të ofrojë plot 30 milionë euro dhe të hakmerret “ëmbël” ndaj kryeqytetasve.
Roma është në një situatë të vështirë tranzicioni, ku shumica e lojtarëve kërkojnë largimin dhe klubi tenton të sjellë lojtarët të rinj në skuadër, për të qenë kompetitiv.
