Në vigjilje të sfidës me Partizanin në turin e parë të Champions League, ekipi i Qarabagut vijon punën edhe për përforcimet në merkato.
Ditën e sotme, azerët kanë zyrtarizuar marrëveshjen me një emër të njohur në Itali dhe në Spanjë.
Bëhet fjalë për 28-vjeçarin Jaime Romero. Sulmuesi i djathtë, sezonin e fundit është aktivizuar me Cordobën në ligën e dytë spanjolle, në 30 takime, ku ka shënuar dhe 2 gola.
Më parë, ai ka mbajtur fanellën e ekipeve të njohura si Udinese, Real Zaragoza, Osasuna apo Lugo.
