Mançester Junajtid dhe Siti janë në kërkim të një mbrojtësi dhe mesa duket kanë të njëjtin objektiv.
Bëhet fjalë për mbrojtësin e Leister Sitit, Herri Meguaiër, për të cilin të dyja skuadrat janë shumë të interesuara. Pak kohë më parë Junajtid dukeshin në avantazh për të marrë shërbimet e mbrojtësit anglez, por tani që u fut në garë edhe Mançester Siti, situata komplikohet edhe më shumë.
Sipas asaj që raporton “ The Mirror” skuadra e Pep Guardiolës ka ofruar rreth 80 milionë euro dhe është shumë afër marrëveshjes. Edhe mbrojtësit do t’i pëlqente të punonte nën urdhrat e Pep Guardiolës, dhe kjo është një arsye më shumë për tu bërë më e thjeshtë marrëveshja.
Tek Siti ai shihet si zëvendësuesi ideal i Viçent Kompani.
