Lionel Messi vazhdon prej 14 vitesh të kërkojë me ngulm një trofe madhor me Argjentinën.
Futbollisti ka që nga viti 2005 pjesë e përfaqësueses së vendit të tij, por ka zhgënjyer thuajse gjithmonë në momentet e rëndësishme dhe ka humbur çdo finale që ka luajtur me të, përfshirë edhe atë të Botërorit 2014.
Shumëkush ia vë fajin formës që tregon ai në ndeshjet e rëndësishme, ku rrallëherë lë shenjë. Por shumëkush sheh fajin te problemet që i ka krijuar vetë Federata, duke mos i siguruar ekipit kombëtar qëndrueshmëri.
Të dhënat zyrtare tregojnë se që nga debutimi i Messit, në 14 vite janë ndërruar 9 trajnerë në ekipin kombëtar.
Messi e filloi me Pekerman (2006-2008) e më pas vazhduan me radhë Bazile (2008-2010), Maradona (2010-2011), Serxhio Batista (2011-2014), Sabeja (2014-2016), “Tata” Martino (2016-2017), Bauza (2017-2018), Sampaoli (2018) dhe së fundmi Skaloni, një seri mbresëlënëse trajnerësh që mbyllet me një ish-bashkëlojtar te yllit argjentinas.
Në Argjentinë mendojnë se ky është shkaku i problemeve kryesore, pasi marrin për shembull krahasues Uruguain, ku Oskar Tabarez qëndron pa lëvizur në stol që nga vitit 2006.
