Mançester Junajtid është hedhur fuqishëm në merkato, teksa raportohet se ka ofruar 75 milionë euro për yllin argjentinas, Xhiovani Lo Selso, i cili me shumë mundësi do të largohet nga Real Betis këtë verë.
Sipas asaj që shkruan “Estadio Deportivo”, “djajtë e kuq” kanë shfaqur interes serioz për mesfushorin, duke ofruar 75 milionë për Lo Selson, i cili shihet si pasues i Pol Pogba. Me shumë mundësi francezi do të largohet nga anglezët, të cilët po përshpejtojnë për zëvendësuesin e tij. Edhe spanjollët janë të kënaqur me ofertën për lojtarin dhe tani na mbetet vetëm të presim dhe të shohim se çfarë do të ndodhë.
