Futboll Sport

25 VJET NGA PENALLTIA E FAMSHME E BAGGIOS/ Lojtari tregon si e ka përjetuar atë moment (VIDEO)

Sot më datën 17 korrik bëhen 25 vjet nga zhvillimi i finales së botërorit midis Brazilit dhe Italisë në vitin 1994.

Në të cilën skuadra braziliane do të dilte fituese pas ekzekutimit të 11-metërshave me rezultatin 3-2, ku penalltinë vendimtare do ta humbiste një nga lojtarët më të mirë të kombëtares italiane, Roberto Baggio.

Ky momente edhe sot e kësaj dite është një nga më të diskutuarit.

Baggio ishte një frymëzim për ‘azurët’, pasi kishte shënuar dy gola në 1/16 ndaj Nigerisë, kishte shënuar në fund të ndeshjes çerekfinale ndaj Spanjës për fitoren 2:1,  kishte shënuar të dy golat në fitoren 2:1 në gjysmëfinale ndaj Bullgarisë, për të arritur finalen, ku i priste Brazili.

Finalja me Brazilin përfundoi 0-0 në kohën e rregullt, dhe ndeshja shkoi në penallti.

I-sh lojtari i Juventusit, Milanit e Interit, godiste penalltinë vendimtare, dhe topi i goditur prej tij do të përfundonte mbi portë, duke i shkaktuar humbjen 3:2 Italisë.

“E kam kujtuar për shumë vite. Ka qenë momenti më i keq në karrierën time”, ka deklaruar Baggio në një intervistë të dhënë vite më parë për ‘The Guardian’, kur kujtonte finalen me Brazilin.

“Unë ende e ëndërroj atë për moment. Nëse ndonjë gjë nga karriera ime do të fshihja, sigurisht që do të ishte ajo penallti”, përfundonte rrëfimin “bishtaleci”.

Related posts

ZBULOHET LISTA E DUELEVE NË AJËR/ Ramos jashtë 20 mbrojtësve të fortë, në renditje një shqiptar

Delo.autor

E BUJSHME/ Legjenda e Barcelonës konfirmon largimin e Mesit me një postim në rrjetet sociale

Delo.autor

Teuta dyfishon rezultatin, vështirësohet objektivi i Kamzës për të dalë me pikë (Video)

Sadik.Autor

Leave a Comment