Marco Asensio ka pësuar një dëmtim shumë të rëndë në ndeshjen e fundit miqësore mes Real Madrid dhe Arsenal e cila përfundoi me rezultatin 2-2.
Ky dëmtim do ta mbajë Asension 6 deri në 9 muaj jashtë fushës së blertë.
Në lidhje me këtë situatë, kanë qenë të shumta reagimet rreth lojtarit, duke i dhënë më shumë motivim për t’u rikthyer sa më i fortë. Nuk mund të mungonte Cristiano Ronaldo, tashmë futbollist i Juventusit.
CR7 me anë të një postimi në rrjetin social shkruan “shumë forcë miku im, do rikthehesh së shpejti”. Kjo tregon se lojtarët, në kohën kur ishin të dy pjesë e RealMadridit, kanë pasur një marrëdhënie shumë të mirë së bashku.