Juventusi është treguar i gatshëm të ofrojë 3 futbollistët e skuadrës vetëm që të nënshkruajë sërish me mesfushorin Paul Pogba.
E përditshmja italiane, “Corriere della Sera” raporton se drejtuesit e “Zonjës së vjetër” kanë ofruar treshen Cancelo, Costa dhe Mautidin në mënyrë që Manchester United t’i mbushet mendja për të lënë të lirë mesfushorin francez.
Ndërkohë në krahun tjetër “Djajtë e Kuq” nuk heqin dorë nga çmimi 150 milionë sterlina për shitjen e Pogbasë.
Vetë Paul Pogba zbuloi dëshirën e tij për t’u larguar nga Manchester Unitedi gjatë merkatos së verës.
“Mendoj se, për mua, kjo mund të jetë koha e duhur për ta pasur një sfidë të re diku tjetër”, kishte thënë ylli francez gjatë kohës kur ishte me pushime në Kinë.
