Është vetëm çështje orësh zyrtarizimi i transferimit të Nicolo Barella tek skuadra e Interit.
Mediat italiane bëjnë me dije që Cagliari e ka pranuar ofertën prej 40 milionë euro plus 10 milionë të tjera në formë bonuse të ndryshme.
Mesfushori i talentuar e bëri të qartë para pak muajsh se Interi është klubi i vetëm që ai ëndërron të luajë, duke refuzuar në këtë mënyrë ofertat nga Napoli, Milani dhe Roma.
Sipas Sky Sport Italia, zikaltrit tani po e presin vetëm dritën e gjelbër nga shefat e tyre në Kinë që duhet të derdhin 40 milionë euro.
